Tiñamos que gañar o Melide

Sábado estabamos mentalizados de que tiñamos que facer un esforzo mais para gañar o partido e non perder o liderato, neste caso ante o equipo de Melide que xa nos dera un disgusto na primeira volta, non parecía un rival doado a pesar da posición da clasificación.
E así foi, partido moi complicado para nos, onde eles se empregaban con dureza e o árbitro deixaba ese xogo, pola nosa parte entraba o efecto rebote e tamen nos facíamos faltas o borde da área, onde eles non marcaron pola boisima actuación que tivo baixo os paos Manuel Gonzalez.
E logo de algunhas ocasións por ambas partes chegaría o noso gol, gol de Francis qeu estreaba o seu casilleiro e que nos levaba os vestiarios co resultado o noso favor de 1-0.
No segundo tempo, todo mais ou menos o mesmo, eles baixaron un pouco a intensidade e nos fomonos repoñendo no xogo, sobre todo tivemos varias ocasions nos momentos que Beni facía circular o balón con criterio.
De todas formas o segundo gol, fixose esperar e pouco antes de acabar o partido Javi Gonzalez marcaría o 2-0 para nos, e logo si que eles se viñeron mais a baixo e poideran levar algún tanto mais.
O Melivet, un equipo que se nos da moi mal, puxo moita loita e forza e meteunos en apuros  durante todo o partido.
Próxima semana vamos a Cuntis, equipo que vai empatado a puntos con nos na clasificación, a ver si somos capaces de facer un bo partido e sacar alomenos un empate que nos mantería ao frente da clasificación a só falta de duas xornadas.
AUPA RIVER......

Segunda derrota do River Silleda

O sábado perdimos o segundo partido desta liga ante o USC, un equipo que xa nos gustara moito na primeira volta empatando en Silleda e que nos gañou de forma clara, si ben e certo que ata a ultima xogada do partido poidemos empatar, pero non sería xusto de todo.
No primeiro tempo adiantaríanse eles nun erro defensivo con 0-1, e logo de un corner, Jose Luis acadaría o empate con un remate de cabeza, e mais tarde coa mesma xogada o árbitro do encontro anularianos un gol do mesmo xogador por empuxar o contrario, para nos foi gol claro, porque o forcexeo era polas dúas partes, eso poderíanos poñer por diante e as caousas poderían cambear, de todas formas o derradeiro cuarto do primeiro tempo, dominamos o xogo e parecía que o partido estaba controlado.
Pero non era asi, nin moito menos, no segundo tempo eles saíron moi fortes, e nos con 12 xogadores sobre o campo e un calor infernal as catro e media da tarde, non dábamos defendido os ataques rivais, e logo de varios erros por parte deles chegaría o 2-1, co que se acababa o partido, ainda así Lolo tería a derradeira ocasión de gol antes do pitido final.
Os tres puntos quedaron en Compostela, e as casualidades dos resultados fan que ainda sigamos o frente da clasificación empatados co Cuntis.
Próxima xornada contra o equipo de Melide, en Silleda.